Hönnuður: Maja (María Lovísa).

 

Inspira byrjaði sem lítið hönnunar eða hugsjónar- og hliðarverkefni á köldrum vetrarmánuðum ársins 2012. 

Verkefnið vatt upp á sig og varð að vörulínu fyrir íslensk heimili sem frumsýnd var í Epal á Hönnunarmars 2013.

Í vörulínunni voru steyptir Stuðlabergs-kertastjakar, vegghillu-verk með földum geymslum, púðar og aðrir heimilismunir byggðir á íslenskum innblæstri, þ.m.t Galdrastafsþrennunni; Vegvísi, Ægishjálmi og Veiðistaf sem útskornir voru í viðar-veggplatta.

 

Inspira hugtakið fékk jákvæðar viðtökur og fóru nokkar vörur í framleiðslu og sölu. Síðan þá hefur Inspira áfram verið hugsjónar- og hliðarverkefni hönnuðar sem sækir innblástur hugtaksins til Íslands, hvort sem er til einstakrar sögu og menningar landsins, tungumálsins eða stórfenglegrar náttúrunnar. 

Fyrir Maríu Lovísu er Inspira einfaldlega...

Óðurinn til Íslands...

​